Kwazulu-Natal Vir die Vrou Spa’s en Masering

Massering
Aromaterapie liggaam behandeling is gemik op die verligting van spanning en die energie vlakke te verhoog deur middel van die sin van reuk en gevoel. Deur integrasie van en toepassing van aromatiese essensiële olies en ‘n spesifieke masserings tegniek, word die spiere en senuwees ontspanne en ontgifting kan bevorder word. Sweedse massering is ‘n kombinasie van tradisionele en diep weefsel tegnieke wat jou liggaam en gees saambind, en daardeur die vermindering van spanning te bewerkstellig en die verbetering van sirkulasie bevorder.
MLD is ‘n ritmiese pomp massering vir die limfkliere, wat ontwerp is om suurstof en bloed vloei te verhoog.

Spa-behandelings – deur Saartjie De Wet
Om mee te begin – ‘n spa bied natbehandelings soos baddens en stoomkamers aan, wat nie by ‘n salon te vinde is nie. Dit is dikwels komplimentêre spa-behandelings, maar soms kan dit ‘n behandeling op sy eie wees waar daar water betrokke is. Die stoomkamer is ‘n vertrekkie waar ‘n temperatuur van omtrent 45 grade Celsius gehandhaaf word. Die stoom is ‘n nat hitte wat veroorsaak dat die liggaam begin sweet en daardeur word gifstowwe wat in die liggaam vasgevang is, vrygestel. Stoom is bevorderlik om ‘n toe bors oop te maak en is veral goed vir asmalyers of mense met enige longkwale. Die hitte help die liggaam se natuurlike bloedsomloopproses aan, deurdat die are tot by die vel oopgaan. Dié sessie laat mens gewoonlik verfris en heerlik ontspanne voel. Dit is ook voordelig om ‘n stoomsessie voor enige ander behandeling te doen omdat die liggaam dan van meet af aan ontspanne is. Die term “Turkse bad” is eeue gelede gebruik waar klomp mense saam in een kamer bymekaargekom het om in ‘n gesellige groep te stoom en te reining. By die River Spa word dié beskrywing gebruik vir die lekker diep sementbad waarin verskillende kruie en natuurlike olies in die water geweek word om die vel te voed en die siel in stilte te laat rus, sodat jy jouself weer vir die wêreld daar buite kan voorberei. Alhoewel die klei-wrap soms ook by ‘n salon aangebied word, kan dit eerder as ‘n spa-behandeling gesien word. Hierdie behandeling staan bekend as die gesigbehandeling vir die lyf. Dit bestaan gewoonlik uit ‘n vollyf-afskilfering om die bloedsirkulasie te bevorder wat dan gevolg word deur die klei-wrap om die vel te voed en terug te sit wat met die afskilferingsproses weggeneem is. Dié lyfmasker is helend en vernuwend, verskaf antioksidante en is fantasties om die vel te voed. Soos met die gesigsbehandeling word die lyf volgens die kliënt se behoefte behandel. Daar is onder andere rooibos wat meer op antioksidante konsentreer en ‘n immuniteitsmasker wat die limfkliere help om afvalstowwe te verwyder. Dan is daar die meer bevogtigende masker wat help om die vel te voed, veral vir gevalle soos ekseem of ‘n droë gebarste vel.

Lyfbehandelings – deur Saartjie De Wet
Dit is van die uiterste belang om na jou lyf te kyk: net soos ‘n gesigbehandeling is dit noodsaaklik om van al die onsuiwerhede en gifstowwe ontslae te raak, om die vel te voed en die liggaam te streel wat so hard werk. Die hande gee eerste ‘n mens se ware ouderdom weg en dit is waar die manikuur sy plek volstaan. ‘n Ware manikuur bestaan egter nie net uit die verf van naels nie: met ‘n volledige manikuur word die vel eerstens afgeskilfer om van alle dooie selle ontslae te raak. Daarna word dit gevoed om vog terug te sit en laastens word die naels afgerond.
Wat geld vir die hande, geld natuurlik ook vir die voete. Daaglikse voetsorg behoort deel van ons roetine te wees, daarom is dit belangrik om vir ‘n maandelikse pedikuur te gaan om bietjie dieper op die seer dele te werk, die knoppe op die voetsole af te skuur en om die ou, dik en dooie velle te verwyder. Daar is verskillende variasies op voetbehandelings. ‘n Mens kan gerus ‘n limfdreinering in gedagte hou om van al die opgeboude vog rondom die enkels en onderbene, sowel as die voete, ontslae te raak. Dan is daar behandelings wat dieper as normaal werk, soos om ‘n masker op te los, ‘n paraffiendip óf ryk galambotter (shea butter) om die vel net nog meer te voed. Moenie van netjiese toonnaels vergeet nie – vir die vrouens is daar niks mooier as ‘n afgeronde voetjie met mooi geverfde tone nie!

“Masserings – deur Saartjie De Wet.
Ek glo dat die sukses van ‘n spa of salon aan twee behandelings gemeet kan word, waarvan een die masserings is. Bo en behalwe dat ‘n massering baie voordele het, moet dit só uitgevoer word dat maksimum resultate verkry word terwyl dit terselfdertyd ontspannend moet wees. Sodra ‘n persoon aangeraak word, skei die liggaam die hormoon, endorfien, af wat die liggaam se natuurlike pynstiller is en wat die mens van nature goed laat voel. Tydens die massering word bloedsirkulasie bevorder terwyl die spiere aangemoedig word om te ontspan deur hulle te strek en trek. Vars bloed word toegelaat om na areas te stroom wat voorheen geblok kon gewees het en die limfsirkulasie word ook bevorder om sodoende op ‘n natuurlik wyse van alle gifstowwe ontslae te raak. Aromaterapie maak gebruik van natuurlike essensiële olies wat baie diep in die liggaam geabsorbeer word en sodoende ook in die bloedstroom op eindig. Die verskillende tipes olies kan verskeie helende effekte op die liggaam hê en verskillende kondisies kan behandel word soos bv. hoë bloeddruk, pyne en verskeie ander kwale. Warm vulkaniese klippe word gebruik as die medium vir warm klip-massering. Hierdie tipe klip behou sy hitte vir ‘n langer tydperk en die hitte penetreer diep tot in die spier. Sonder om harder te druk is die effek van dié massering dus baie dieper as die van ‘n normale massering. Limfdreinering fokus weer daarop om die limfstelsel te stimuleer in sy taak om afvalstowwe af te skei. As ‘n mens in gedagte hou dat die limfstelsel normaalweg eers inskop wanneer ons fisies aktief is, maak dit sin in ons passiewe samelewing om van tyd tot tyd vir so ‘n behandeling aan te meld. Wanneer ‘n mens dus in ag neem wat al die voordele van spabehandelings is, maak dit sin om indien moontlik elke ses tot agt weke vir ‘n behandeling te gaan. Deel van die lekker is om elke keer iets anders te probeer totdat jy iets vind wat in jou smaak val.”

The Gorge Day Spa
Ons het almal nodig om tyd af te staan om te ontspan en gedagtes te verfris in een van die natuur se mees asemrowende omgewing van vrede en rustigheid. Majestieuse uitsig van die Oribi Gorge en bied skoonheid, hidroterapie, ontspanning en ope lug behandelings. Ervaar ons stukkie van die hemel op aarde. Geleë in die hart van die Oribi Gorge met uitsig op die pragtige sandsteen kranse, die kloof SPA kombineer natuurlike skoonheid en wêreld-klas diens. Terapieë wat fokus op die terapeutiese voordele van ontgifting, vernuwing en heling. Laat een van ons gekwalifiseerde terapeute jou bederf en professionele aanbevelings gee oor ‘n gesondheids-en vel bekommernisse wat jy mag hê.

Oribi Gorge
Suidkus KZN
Tel 039 687 4000